SAN LUCA CALCIO

U SAN LUCA (chiddi ru palluni)

A Riggiu Calabria c’è na squadra i palluni

Chi è a chiu’ forti du riuni,

Certi a chiamunu Real e iocunu ca tuta

tantu su sempri ru San Luca!

I truvati a Duminica ‘nte campi

Beddi, gobbi, panzachina e stanchi;

E se si fannu troppi falli e volunu ‘ntra iddi offesi

Subbitu c’è prontu u previti ca catechesi.

Pi n’ura e menza,i viriti tutti priati e cuntenti

E di mugghieri e di 'zziti non bonnu sapiri nenti!

Ieu i vitti iocari

E vi pozzu cuntari…..

Si ti vardi a partita è inutili mi ti ‘mmucci

Dopu nu minutu cumpari Maragucci

Chi testardu comu un mulu

‘Cccumincia mi signa sempri a culu!

Si inveci iochi e non ti vo ‘cciuncari

i parastinchi i ferru o cu Gianni e Saverio ha jocari!

Certu, a classi non è sempri i casa

Ma si vardi a Zaccuri, Milana, Flora u pilu si iasa.

Avi autri iocaturi forti e chi fuiunu comu riddi

Ma chi a palla a mandunu quasi sempri e stiddi!

Facimu allura i nomi ri campioni chi hannu ‘ddà

Marino, Scopelliti , DeStefano e Laganà.

D’amico, Barreca e Porcaro pi nenti mali

Sunnu sempri in mezzu e pali

Chi guanti e i ginocchieri

Fannu a viruta ri porteri.

Pi non parrari ri frati chi su megghiu ri Baresi

Arcano, Lipari,Varsace vi presentu, senza offesi!

Nte tribuni si virunu i tifosi chi iasunu a manu

Mi si ‘cchiappunu cu chiddi ru San Gaetanu!

E tutti assiemi cantunu buccazziandu

Forza San Luca va signandu!!

Rivammu all’urtumu salutu

All’abitru , e non mi si offendi, u Curnutu!

Griratici e minatici senza pietà

Tantu u pirdunu c’è tra frati i comunità.

Vuliva cuntari i fatti i tutti i iocaturi

Ma ci vulivunu du uri

Finisciu mi vi ricu che sta genti è dura comu a roccia

E si sputtunu sempri sutta a doccia,

dopu mentuni i mani nta sacchetta:

ducentuquaranta euro e u custodi spetta!